Ind Vs Aus: ઓસ્ટ્રેલિયાને હરાવી ICC રેકીંગમાં ભારત બન્યું નંબર વન

સ્પોર્ટ્સ ડેસ્કઃ નાગપુરના વિદર્ભ ક્રિકેટ એસોસિએશન સ્ટેડિયમ પર રમાઈ રહેલી ભારત-ઓસ્ટ્રેલિયા વન-ડે શ્રેણીની 5મી અને અંતિમ મેચમાં ઓસ્ટ્રેલિયાની ટીમે ટોસ જીતીને બેટિંગ કરવાનો નિર્ણય લીધો હતો. ઓસ્ટ્રેલિયાએ 50 ઓવરમાં 9 વિકેટ ગુમાવી 242 રન કર્યા હતા. ભારતને જીત માટે ઓસ્ટ્રેલિયાએ 243 રનનો ટાર્ગેટ આપ્યો છે. 39 ઓવરના અંતે ભારતે 223 રન બનાવ્યા છે. રહાણે 74 બોલમાં 61 રન બનાવી આઉટ.

ઓસ્ટ્રેલિયા તરફથી ડેવિડ વોર્નરે સર્વાધિક 53 રન બનાવ્યા હતા. સ્ટોઇનિસે 46 અને હેડે 42 રનનું યોગદાન આપ્યું હતું. ભારત તરફથી અક્ષર પટેલે 10 ઓવરમાં 38 રન આપી 3 વિકેટ અને જસપ્રીત બુમરાહે 51 રનમાં 2 વિકેટ લીધી હતી.  ભારતે પ્લેઇંગ ઈલેવનમાં 3 અને ઓસ્ટ્રેલિયાએ 1 ફેરફાર કર્યો છે. 5 મેચની શ્રેણીમાં ભારત 3-1થી આગળ છે. 

ઓસ્ટ્રેલિયાએ કર્યો 50 ઓવરમાં 242નો સ્કોર

- 10 ઓવરના અંતે ઓસ્ટ્રેલિયાનો સ્કોર 60/0

- 11.3 ઓવરે ભારતને મળી પ્રથમ સફળતા, ફિન્ચ 32 રન બનાવી પંડ્યાની ઓવરમાં થયો આઉટ

- 19.1 ઓવર વોર્નરના 50 રન પૂરા, તે પછીના બોલે સ્મિથ 16 રને આઉટ, કેદાર જાધવને મળી વિકેટ

- 22.2 ઓવર વોર્નર 53 રન બનાવી આઉટ, સ્કોર 112/3, અક્ષર પટેલને મળી સફળતા

- 24.2 ઓવર હેન્ડસકોમ્બ 13 રન બનાવી આઉટ, સ્કોર 118/4, અક્ષર પટેલને મળી વિકેટ

- 31મી ઓવરમાં ઓસ્ટ્રેલિયાએ 150 રન પૂરા કર્યા

- 41.2 ઓવરમાં 200 રનનો આંક વટાવ્યો

- 43મી ઓવરમાં 205 રનના સ્કોરે હેડ 42 રન કરી અક્ષર પટેલની ઓવરમાં બોલ્ડ થતાં 5મી વિકેટ ગુમાવી

- 44.2 ઓવર સ્ટોઇનિસ 46 રનના સ્કોરે બુમરાહનો શિકાર બનતાં ઓસ્ટ્રેલિયાએ 210 રને છઠ્ઠી વિકેટ ગુમાવી

- 49મીઓવરમાં મેથ્યુ વેડ 20 રને આઉટ થયો ત્યારે ઓસ્ટ્રેલિયાનો સ્કોર 237 રન હતો

- 50મી ઓવરમાં ઓસ્ટ્રેલિયાએ 2 વિકેટ ગુમાવી 242 રનનો સ્કોર બનાવ્યો.

બંને ટીમો આ મુજબ છે

 ભારત: અજિંક્ય રહાણે, રોહિત શર્મા, વિરાટ કોહલી, કેદાર જાધવ, મનિષ પાંડે, મહેન્દ્રસિંહ ધોની, હાર્દિક પંડ્યા, અક્ષર પટેલ, ભુવનેશ્વર કુમાર, જસપ્રીત બુમરાહ, કુલદીપ યાદવ

 ઓસ્ટ્રેલિયા: ડેવિડ વોર્નર, એરોન ફિન્ચ, સ્ટીવ સ્મિથ, ટ્રેવિસ હેડ, પીટર હેન્ડ્સકોમ્બ, સ્ટોઇનિસ, મેથ્યૂ વેડ, પેટ કમિન્સ, નાથન કુલ્ટર નાઇલ, એડમ ઝમ્પા, જેમ્સ ફોક્નર